Kaalratri Jai Jai Mahakali. Kaal Ke Munh Se Bachane Wali.
Dusht Sangharak Naam Tumhara. Mahachandi Tera Avtara.
Prithvi Aur Aakash Pe Saara. Mahakali Hai Tera Pasaara.
Khadag Khappar Rakhne Wali. Dushton Ka Lahoo Chakhne Wali.
Kalkatta Sthan Tumhara. Sab Jagah Dekhun Tera Najara.
Sabhi Devta Sab Nar-Naari. Gaven Stuti Sabhi Tumhari.
Raktadanta Aur Annapurna. Kripa Kare To Koi Bhi Dukh Na.
Na Koi Chinta Rahe Na Bimaari. Na Koi Gam Na Sankat Bhaari.
Us Par Kabhi Kasht Na Aave. Mahakali Maa Jise Bachaave.
Tu Bhi Bhakt Prem Se Kah. Kaalratri Maa Teri Jai.